Convergencia Democratica Aranesa - Partit Nacionalista Aranés

Eth tant demorat debat televisiu entre es candidats ath Conselh Generau d’Aran, deishèc en evidéncia eth gran desconeishement deth país e ua mancança reau d’idees des candidats d’UA-PSC-PM e eth PRAG. Pera sua part eth Sindic Barrera, e candidat per CDA, demostrèc ua prohon coneishement des projèctes e programes realizats e sustot un gran sabedor des problèmes e mancances dera gent deth país entàs projèctes de futur.

Eth Sindic Barrera, siguec er unic qu’aportèc ua especiau solucion ara viuenda, un problèma reau deth pòble aranès e sustot dera joenessa, en tot daurir ua naua linha d’accès ara viuenda a trauèrs deth règim concertat (de compra a prètz taxat).

Tanben ena implantacion des naues tecnologies, eth Sindic Barrerra, candidat de CDA, hè’c ua apòsta clara entà hèr d’Aran ua tèrra de futur, ath torn der aprofitament des naues tecnologies coma ua clara apòsta ara modernizacion deth país. Malaurosament, es auti candidats ne ac nomentèren.

Lamentablement, eth candidat de UA-PSC-PM, deishèc sense aclarir un aute viatge, era sua prioritat entre er acta de Diputat (qu’auec de recuélher der actuau Conselhèr d’Agricultura, Sr. Joaquin Llena)e eth cargue de Sindic d’Aran. Per còntra, eth sindic Barrera, assolic eth compromís per Aran, solucion unica entà hèr d’Aran eth país que meriten toti es aranesi e araneses.